خدعوك فقالوا بلدنا 7000 سنه حضارة

فى مواقف بتكون غير مرتبة لكن ان مواقف زي دي تحصل وراه بعضها فى نفس المكان حاجة تضحك بجد

.

.

.

البداية

تكون رايح شغلك فى أمان الله وبعدين

1-- السواق يقولك معلش ياجماعة فى كمين ومش هاقدر اكمل لان الرخص منتهية :(

2- بعدها بشوية تلاقي الطريق مشغول وتلاقي يافطة صفرة ومكتوب عليها ناسف علي الإزعاج منطقة شغل :(

ايه اليوم الى باين من أوله ده

ربنا يكرمك وتعدي اول اتنين دول

.

.

وتركب ميكروباص تاني ..

.

يدخل البنزينة يمون (يفول)

تلاقي الى بيمون لك ( والله بجد ) مولع سيجارة فى ايده

وتقولة مش كدة غلط ياريس احنا فى بنزينة وانت ماسك الخرطوم وبتمون لنا وماسك سيجارة بايدك التانية

يقولك سيبها علي الله

طيب ماهو إحنا سايبينها علي الله أمال سايبها علي المحارة والنقاشة :)

بعد كدة

وقبل ماتوصل

تلاقي المفاجأة

عملية سفلته للطريق :(

قلت هو شكلة أسبوع هيبقي فله

المفروض الواحد قبل مايركب بعد كدة يسأل السواق

معاك رخصة

معاك طفايه حريق

علشان ماجيش فى نص السكة وانزل

...

وبردو الواحد يحضر لنفسة طفاية حريق عشان لوبنمون بعد كدة وطلع لنا واحد بيشرب شيشة بعد كدة يبقي فى إحتياطات

بجد بجد

احنا بلد العجايب

مش بلد 7000 سنه حضارة

والى لقاء أخر ................

هناك فرق كبير جدااا ياحكومة

سوازان تميم

أبنه ليلي غفران

مجرد جرائم قتل عادية

مطربة وتم قتلها

ابنة مطربة وتم قتلها

لم تستحق كلا الجريمتين كل الضجة التي حصلت حولهم

الأول

تم حظر النشر

تم نشر الالاف من الجنود فى قاعات المحاكم التي شهدت الجلسات

الثانية

تم عمل ضجة اعلامية كبري سواء علي القنوات الفضائية أو الصحف حول مقتل ابنة المطربة

طلب والدها بان يتم تنفيذ الاعدام علي القاتل ( ان كان هو أصلا ) مباشرة علي الفضائيات ؟؟؟؟

..

لكن

الدكتورة / مروة الشربيني التي قتلت فى ألمانيا علي يد سفاح الماني من أصل روسي نظرا للكره الأعمي للإسلام والمسلمين

فقد دفعت حياتها دفاعا عن حجابها ودينها تلك الفتاة استحقت الشهادة

ولكن لاينبغي السكوت وراء حقها والمطالبه به

حتي لايستمر ضياع حقوق المصريين فى كل مكان وزمان حتي فى بعض الدول العربية التي كانت تتلقي مساعدات من مصر

ولكنها الأن اصبحت تتنكر لنا وتسب فى المصريين فى كل مكان

الحادثة الأخيرة تستحق الاهتمام أكثر من الحوادث السابقة

لان الحوادث السابقة

هناك فرق شاسع بينها وبين الدكتورة / مروة لكن الحق أحق ان نذكر محاسن الموتي

رحم الله الفقيدة

والهم أهلها الصبر والسلوان

وحسبنا الله ونعم الوكيل في من رخص دماء وهيبة وكرامة الانسان المصري ..

مش لاعب

كل شوية يطلع علينا لاعب كورة فى أى فريق

ويقولك مش لاعب غير لما يتجدد عقدي ياهسيب الفريق وأحترف فى النادي الأهلي أو الزمالك

كل شوية لاعب يجي يقولك فلان فاوضني وعلان فاوضني

طيب طلباتك ايه

عايز 3 مليون فى السنه ................؟؟؟؟؟

أفترضنا ان الاعب دة حريف ويستاهل تقله فلوس

بس ياتري البطولات الي هيحقهها مع النادي تستاهل ال3 مليون دول

مع وصول اسعار الاعيبة الي ارقام فلكية من حق كل لاعب يطلب الي هو عايزة

مدام فى انتخابات ومدام فى ناس بتدفع من تحت الترابيزة ..

بس هل ياتري الكرة المصرية تستحق الملايين التي نسمع عنها ................؟؟؟؟؟

شاطرين بس يقولو لك مش لاعب

مع كامل احترامي لشريف عبد الفضيل لاعب الاسماعيلي الا ان وصول السعر ال 8 مليون

رقم باهظ جدااااا خصوصا ان الاعب مدافع ..امال لو راس حربة كان عمل ايه
الله يسامحك يابيبو علي راي هنيدي فى فيلم جائنا البيان التالي ......

ال 8 مليون دول ممكن يتم شراء أكتر من 50 لاعب بيهم من اندية الدرجة التانية

مع العلم ان كل الاعيبة الى ظهرت الفترة الأخيرة هم فى الأساس درجة تانية

بس نقول ايه

أرزاق

والى مش عايز يلعب

يقول

مش لاعب