فاضل 10 أيام علي رمضان
ياااااااااااااااااااااااااااااااااااااااااااه
رمضان
أيون رمضان
شهر رمضان
دلوقت بقيت اعرف ان فى شهر اسمة رمضان
من خلال الفوازير والمسلاسلات المخصصة علشان تضيع علي الناس الصيام
تفنن فى الملابس والقبلات والبرامج
تلاقي رمضان ينتهي من هنا
ال اية
التلفزيون يعد المسلاسلات والبرامج الى هتيجي فى رمضان
والعمل يجري علي قدم وساق علشان يلحق بالخريطة الرمضانية
طبعا انا هاتكلم علي الجو الرمضاني القديم
مش هاتكلم علي الأسهال الى بيجي للتلفزيون من المسلاسلات
زمان كان قبل الشهر بشهرين تلاقي الجو الرائع للرمضان
والاستعدادت له قبل مايجي تلاقي المحلات فيها اغاني رمضان شغالة طول اليوم
محمد عبد المطلب .. رمضان جانا
كارم محمود .. أهلا شهر الصوم مرحب
كنا بنقعد مع بعض فى الشارع نعمل زواق شهررمضان قبلها بفترة
وبعدين نلاقي بعض الجيران عملوا غارة علينا وقطعوا بعض الزينة
لكن مكناش بنسكت طبعا
كنا بنرد علي الغارة بتاعتهم بغارة تانية
لحد ماناخد حقنا
دلوقت بقت الناس تلم فلوس ونشتري زينة جاهزة
وبتتعلق أول يوم فى رمضان
أى نعم بتكون اشكالها جميلة
بس مالهاش نفس الفرحة القديمة
والكلام علي الفوانيس يكتر
دلوقت بقت لعب اطفال مش فوانيس
من التوك توك لكرومبو
والفانوس ابو شمعة بيحاول يظهر فى الكادر
بس يتحدي مين دى الصين ام الدنيا
الحمد الله لحقت الفانوس ابو شمعة فى أواخر ايامة
ايييييييييه كانت ايام
الله يرحمها
ويرحم فوانيسها
أهم حاجة فى رمضان
التواصل وصلة الرحم والصدقة والصلاة
والتقرب من الله والدعاء
لان دي أكبر فرصة
و ربنا يتقبل منا جميعا
ورمضان كريم عليكم جميعا
.
.
ياتري كلامي سليم
ولاتخاريف صيام مبكرة
